حوزہ نیوز ایجنسی کی رپورٹ کے مطابق، مجلسِ علمائے مکتب اہل بیت علیہم السّلام بلوچستان پاکستان کے صوبائی صدر مولانا ذوالفقار علی سعیدی نے حال ہی میں بختیارآباد، بھاگ، چھلگری اور سبی کا تبلیغی دورہ کیا۔
اس موقع پر انہوں نے مختلف دینیات سینٹرز کے بچوں سے دینی سوالات پوچھے اور ان کے فہم و ادراک کا جائزہ لیا۔
دورہ کے دوران علمائے کرام سے ملاقات بھی ہوئی، جس میں انہوں نے زور دیا کہ بچوں کی تعلیم و تربیت معاشرے کی ترقی کی بنیاد ہے۔
مولانا ذوالفقار علی سعیدی نے کہا کہ والدین اور علماء کی ذمہ داری ہے کہ بچوں کو علم کے ساتھ اخلاقیات کی بھی تعلیم دیں۔ صرف کتابی علم کافی نہیں، صحیح تربیت بچوں کو مضبوط کردار اور روشن مستقبل عطا کرتی ہے۔ دینی تعلیم اور تربیت نوجوانوں کو فکری اور روحانی طور پر مضبوط بناتی ہے، تاکہ وہ معاشرے کے لیے قیمتی سرمایہ بن سکیں۔
آپ کا تبصرہ